A Man’s a Man For a’ That − Breizh Partitions
Ir al menúIr al contenido

Breizh Partitions

Partituras gratuitas de música celta

Breizh Partitions

A Man’s a Man For a’ That

Compositor Tradicional (1795)
Autor Robert Burns
Origen EuropaEuropa > Reino UnidoReino Unido > EscociaEscocia
Género Strathspey
Instrumentos Gaita escocesa
Tonalidad Mi♭ mayor
Ritmo 2/4
Licencia Licencia desconocida


Formato Descargar Tamaño
bww A_Man’s_a_Man_For_a’_That.bww  1.52 KiB
midi A_Man’s_a_Man_For_a’_That.mid  4.29 KiB
txt A_Man’s_a_Man_For_a’_That.txt  1.39 KiB
gif A_Man’s_a_Man_For_a’_That.gif  15.15 KiB


A Man’s a Man For a’ That

    Is there for honest poverty
    That hings his head, an a' that?
    The coward slave, we pass him by -
    We dare be poor for a that!
    For a' that, an a' that!
    Our toils obscure, an a' that,
    The rank is but the guinea's stamp,
    The man's the gowd for a' that.

    What though on hamely fare we dine,
    Wear hodden grey, an a' that?
    Gie fools their skills, and knaves their wine -
    A man's a man for a' that.
    For a' that, an a' that,
    Their tinsel show, an a' that,
    The honest man, tho e'er sae poor,
    Is king o men for a' that.

    Ye see yon birkie ca'd a lord,
    Wha struts, an stares, an a' that?
    Tho hundreds worship at his word,
    He's but a cuif for a' that.
    For a' that, an a' that,
    His ribband, star, an a' that,
    The man o independent mind,
    He looks an laughs at a' that.

    A prince can mak a belted knight,
    A marquis, duke, an a' that!
    But an honest man's aboon his might -
    Guid faith, he mauna fa' that!
    For a' that, an a' that,
    Their dignities, an a' that,
    The pith o sense an pride o worth,
    Are higher rank than a' that.

    Then let us pray that come it may
    (As come it will for a' that),
    That Sense and Worth o'er a' the earth,
    Shall bear the gree an a' that.
    For a' that, an a' that,
    It's coming yet for a' that,
    That man to man, the world, o'er
    Shall brithers be for a' that. 

Les partituras disponibles en este sitio se pueden descargar gratuitamente pero las partituras que no son tradicionales pueden tener un copyright.
Si piensa que una partitura no debería estar aquí, el webmaster y la borraré enseguida.